Kambi popote

Mchuuzi wa madodoki akitafuta wateja kama alivyokutwa katika barabara ya Seaview Upanga  jijini Dar es Salaam jana. (Picha na Francis Dande)

Mourinho : Drogba ni Chelsea damu.

Kocha wa Chelsea Jose Mourinho amesema kuwa Mshambulizi wa galatasaray ya Uturuki Didier Drogba ni Mchelsea damu .

Mshambulizi huyo wa Ivory Coast mwenye umri wa miaka 36 aliwahi kushinda mataji 10 akiwa stamford Bridge kuanzia mwaka wa 2004-2012 kabla ya kuguria Galatasaray.

 

Mourinho alidhibitisha kuwa The Blues inatafakari kurejea kwake Uingereza na kuwa anatumai uhamisho huo utatekelezwa bila hisia kali .

"Nikifaulu kumrejesha Uingereza jambo ambalo natumai litafanyika kwa haraka ,itakuwa kwa sababu ya uwezo wake mkubwa wa kuimarisha kikosi na timu kwa jumla''.

Drogba, alijiunga na Chelsea mwaka wa 2004 akitokea Marseille katika uhamisho ulioigharimu klabu hiyo pauni milioni £24.

Wakati huo aliiongoza Chelsea kutwaa mataji matatu ya ligi kuu ya Uingereza mataji 4 ya FA , mataji mawili madogo ya ligi mbali na ubingwa wa bara Ulaya .

Mabaki ya ndege Algeria yaonekana

Mabaki ya ndege iliyopotea ikiwa na watu 116 njiani kutoka Burkanafaso kwenda Algers yamepatikana nchini Mali.

Maafisa wa Jeshi wa Burkina faso wamesema ndege hiyo iliyokuwa chini ya shirika la ndege la Algeria imeanguka karibia kilomita 50 kutoka mpaka wa Burkanafaso.

Waongoza ndege walipoteza mawasilino na ndege hiyo muda mfupi baada ya kupata taarifa kutoka kwa Rubani kuwa alikuwa kwenye eneo lenye hali mbaya ya hewa.

Utafutaji wa ndege hiyo umeanzia katika eneo la Gao mpaka Tessalit. Kumekuwepo na hali mbaya ya hewa kwa zaidi ya saa 24. Waziri wa mambo ya nje wa ufaransa, Laurent Fabius amesema inaonekana ndege ilihamishwa mwelekeo kwa sababu ya hali mbaya ya hewa.

„Walikuwa wameelekezwa kubadili njia ya kawaida kutoka na mabadiliko ya hali ya hewa.Ndege ilikuwa ikipaa juu ya eneo la Malian. Pamoja na juhudi kubwa , mapaka sasa hakuna dalili za kupatika na kwa ndege hiyo. Pengine ndege imeangua"

Juhudi za kutafuta amani Gaza zachacha

Israeli imeendelea kuivirumishia makombora Gaza kucha kutwa ,huku kikao cha mawaziri wa baraza la Usalama kikitarajiwa huko Marekani kujadili mapendekezo mapya ya wito wa kusitishwa mapigano kwa misingi ya kibinadamu.

Afisa wa ngazi ya juu wa umoja wa mataifa aliyeko Gaza Bob Turner, ameiambia BBC kuwa wapalestina laki moja unusu , ambao ni asilimia 8 ya idadi ya watu wa Gaza sasa wamekimbilia hifadhi kwenye shule za Umoja wa mataifa.

Idadi ya raia wa Palestina waliouawa imezidi mia nane, huku mashambulio hayo ya Israel ya angani majini na ardhini yakiingia siku ya kumi na nane.

Wanajeshi 32 na raia watatu wa Israel wameuawa katika muda huo.Katika ukingo wa magharibi, na Jerusalem mashariki raia wawili wa Palestina wameuawa na wengine wengi kujeruhiwa wakati waandamanaji waliokuwa na hasira kuhusu mashambulio huko Gaza walipokabiliana na vikosi vya Israel.

WANAFUNZI WATAKIWA KUPENDA MASOMO YA SAYANSI

NA MAGIGI JOHN

WANAFUNZI wa shule mbalimbali nchini wametakiwa kujifunza  masomo ya sayansi kutokana na umuhimu wake katika ugunduzi wa vitu ili kusaidia taifa kimaendeleo.

Imeelezwa kuwa idadi kubwa ya wanafunzi na walimu ukimbia masomo hayo, kiasi cha kusababisha watu kuamini masomo hayo ni magumu hasa kwa jinsi yanavyofundishwana.

Akitoa rai hiyo jijini Dar es Salam jana, Mkurugenzi wa Shirikisho la Wanasayansi Chipukizi (YS), Dr. Gozibert Kamugisha alieleza kuwa taifa linakabiliwa na changamoto ya wataalamu wa masomo hayo, hivyo kusababisha taifa kutofikia hatua ya kugundua vitu kama ilivyo kwa nchi nyingine.

Kamugisha alisema kuwa, idadi kubwa ya wanafunzi na walimu wanashindwa kujua jinsi ya kujifunza masomo hayo hatimaye kuchangia ongezeko kubwa la upungufu wa wasomi kwenye sekta ya Sayansi.

“Wanafunzi wengi wanajifunza sayansi kwa njia ya kukalili na sio vitendo, hivyo kuna tija tubadilike ili nchi yetu iendane na mifumo mipya inayoendana na mabdiliko ya dunia hasa kwa vitendo” alisema Kamugisha.

Alisema kuwa, miongoni mwa masomo ambayo yanakimbiwa ni Hesabu, Fizikia, Biolojia, Kemia na somo la Sayansi ya Jamii, hivyo kupunguza idadi ya ugunduzi wa vitu mbalimbali vinavyofanywa na watu wengine duniani.

MAGAZETI YA LEO JULAI 25, 2014

AMIL SHIVJI AIBUKA APATA TUZO YA FILAM FUPI BUJUMBURA BURUNDI

Kutoka kushoto ni Katibu wa Katibu wa TAFF , Bishop Hiluka, Amil Shivji, Rais wa TAFF, Simon Mwakifwamba akimkabidhi tuzo hiyo na Mwenyekiti Suleiman Ling'ande.

SINEMA ya ‘Shoe shine’  inayotumia muda wa dakika 24 iliyofyatuliwa mwaka 2013  iliyotengenezwa na kuongozwa na Amil Shivji  imefanikiwa kupeperusha vema bendera ya nchi na kupata tuzo katika tamasha la kimataifa  la filamu  lililofanyika nchini Burundi (Festicab 2014) kati ya Juni 13  hadi 20 ambapo lilifikia kilele.

Sinema hiyo ambayo ni fupi lakini iliyotimiza wajibu wake kwa kuzingatia maudhui  na  kuweza kufikisha ujumbe kwa hadhira ndiyo filamu pekee iliyoshinda katia ya sinema tatu zilizokuwa zikiwania tuzo hizo.

Katika tamasha hilo ambalo lilishirikisha  sinema mbalimbali kutoka  nchi za Tanzania, Kenya,Uganda, Rwanda, Burundi, Senegal, Cameroon, Morocco, Misri, Ufaransa, Benin, Madagascar na  Burkina Faso.

Nchi zingine ni  Afrika ya Kati, Afrika Kusini ,Tunisia, DR Congo, Gabon na  Marekani ambazo zilishindanishwa katika vipengele tofauti tofauti huku Tanzania  ikiingiza  sinema  zake tatu tu  ambazo ni  ‘Mdundiko’(2013),iliyoongozwa na Jackson  Kabirigi, ‘Anguko’ (2013),  iliyoongozwa na  Edgar Ngelela na ‘Shoe shine’ Amil Shivji.

Akizungumza na waandishi wa habari katika mkutano uliofanyika jijini Dar es Salaam  leo asubuhi  Rais wa Shirikisho la Filamu nchini (TAFF), Simon Mwakifwamba alisema kuwa tuzo hiyo ya filamu ya Shoe Shine ni darasa kwa wasanii wa hapa nchini kuweza kutunga filamu fupi na zenye kufikisha ujumbe wakati.

“nachukua fursa hii kuipongeza kumpongeza muandaaji wa Sinema ya Shoeshine  kwa kufanikiwa kuipeperusha vema bendera ya nchi huko Burundi kwani ametutangaza kimataifa inatia moyo wasanii wengine waige mfano wake ni darasa la kutosha” alisema Mwakifwamba.

Tuzo hii  ya sinema fupi  bora Afrika  Mashariki  ilipokelewa na Katibu wa TAFF Bishop Hiluka kwa niaba ya Shivji.

Pia  sinema hii imeingia  kwenye mchujo wa kuwania  tuzo yz ‘Best Short Film’ kwenye kituo cha Africa Magic Viewer’s Choice Awards 2014.

Aidha imechaguliwa  kuoneshwa katika matamasha ya  Kimataifa  ya filamu ambayo ni Rotterdam, Luxor African,Tamasha la 36 la Durban,Film Africa, Euro African,Tamasha la filamu la 44 la Tempere na tamasha la filamu la 33 la Verona African.

Mwakifwamba alimalizia kwa kusema kuwa  kwa kupitia kazi yake hii, Shivji amepata pesa  kupitia mfuko maalum wa kuwawezesha watengeneza sinema fupi wa Afrika ‘Africa First Features grant’ , baada ya script yake  kushinda kipengele cha 2013, kwa sasa yupo mbioni kumalizia kazi yake mpya iitwayo ‘Samaki Mchangani’.